同屋企人去咗將軍澳食日本野💗呢間日本料理好別緻，門面中裏面裝潢都以日本稻荷神社為設計主題，用木質素材打造成一間好有地道氛圍嘅日式居酒屋～ 門口位置同餐廳裏面有大大小小嘅稻荷神社使者～狐狸🦊嘅石像裝飾～個樣好似一隻隻招財貓，好有日式feel 💗life is so good! 用餐區都好大，有部份卡位雅座設了半布廉，感覺舒服又有私密度～ 我哋點咗2人前晚市套餐，覺得食材夠新鮮，整體都好豐富。 🔶胡麻豆腐沙律 非常清甜爽口的沙律🥗醒神開胃。每人一碗，份量都多。 🔶廚師發板刺身拼盤 當日我地嘅刺身拼盤有三文魚丶吞拿魚丶油甘魚丶牡丹蝦🦐 鮮味十足👍🏼夠新鮮。 🔶廚師發板串燒 當日廚師為我地準備咗燒蘆筍丶雞肉串丶免治雞肉棒丶燒大蔥～4款都燒得好靚，非常惹味香口💗我最鍾意免治雞肉棒，肉汁豐富有咬口，帶有醬油香。 🔶雜錦天婦羅 有蝦丶南瓜丶番薯丶雞肉丶冬菇丶茄子～炸得好酥脆，入口不膩。 🔶蒲燒鰻魚飯 每人有一客～份量都多👍🏼鰻魚肥美汁香🥳米飯粒粒分明，伴以蛋絲更有風味。 🔶是日甜品～ 甜品都好唔錯💗朱古力蛋糕配豆腐冰淇淋～蛋糕鬆軟朱古力味濃👍🏼冰淇淋豆味相當濃郁👍🏼 🔶飲品 點左白桃乳酸梳打和柚子乳酸梳打💗入口香甜👍🏼清爽解膩。 📍本店 Izakaya by K 將軍澳唐俊街18號The Parkside第一座地下G07號舖 #社群相聚 #2023日常